Phishing-a saihesteko 4 gako

CAJA RURAL / October 26, 2021 / Uncategorized @eu

Phishingaren aurrean, informazioa da gure tresnarik onena; horregatik, phishing-a saihesteko hurrengo lau gako hauek emango dizkizugu. Phishing saiakerek gora egin dute azken urteotan, eta enpresa guztiak, Rural Kutxa kasu, gure bezeroen segurtasuna hobetzen saiatzen gara. Datozen hilabeteetan, aparteko segurtasun-neurri gisa, ezinbesteko baldintza izango da autentifikazio bikoitza egitea Ruralvian saioa hasteko edo transferentziak eta intsuldaketak bidaltzeko. Guretzat garrantzitsua da gure bezeroengan sor daitezkeen segurtasun-kezkak konpontzea. Baina, gainera, ziur gaude lau gako horiek praktikan jartzen badituzu, phishing saiakera oro gauzatzea zailagoa izango dela.

Rural Kutxak, Caja Rural taldeko entitate guztiek bezala, beste neurri batzuk ere badauzkagu, komunikazioen konfidentzialtasuna bermatzeko eta gure bezeroek Ruralviatik egiten dituzten transakzioetan datuak babesteko.

Googlek, adibidez, zibergaizkileei aurre egitea erabaki du, eta ekainetik aurrera sistema berri bat erabiltzen hasi da, nabigatzailean sartutako ‘frameworks’ delakoen bidez, Googleren kontuetarako sarbidea blokeatzeko. Horrela, Google phishing eraso azkarrenetarako sarbidea ixten saiatuko da. 

Zertan datza?

Mezu elektronikoen bidalketa masiboa da, erakunde edo instituzio publikoen nortasuna ordezkatuz.

Zertarako erabiltzen dute?

Mezu elektroniko horien helburua hartzailea engainatzea da, informazio konfidentzial jakin bat ezagutara eman dezan (erabiltzaile-gakoak, kreditu-txartelen kopurua, PIN) edo zibergaizkileek malware baten bidez atera dezaten (birusa, troiarra, keylogger). Malware hori ordenagailuan instalatu daiteke, estekaren batean klik egin ondoren.

Phishing-ari buruz gehiago irakur dezakezu esteka honetan.

Zure banka mugikorraren segurtasuna bermatzeko gomendioak

Rural Kutxan gure bezeroek banka mugikor eta digital seguruaz goza dezaten lan egiten dugu. Horrez gain, gure bezeroak beldur barik nabigatzea dugu helburu. Baina, horretarako, beharrezkoa izango da erabiltzaileak berak oinarrizko gomendio batzuk kontuan hartzea, zibergaizkileen aurrean kaltebera ez izateko.

Rural Kutxako bezeroentzako segurtasuna

Oso garrantzitsua da finantza-erakunde bateko bezeroa bere datuak, informazioa eta kapitala babesteko behar diren neurriak aplikatzen ari direlaren ziurtasuna edukitzea.

Horren harira, badira hilabete batzuk Rural Kutxako bezeroek autentifikazio sistema indartua erabiltzen dutela zenbait eragiketa egiteko, baita 90 egunean behin ere, beren banku digitalera sartzera doazenean. Kasu horietan, PSD2 Europako araudian zehazten den bezala, beharrezkoa da bezeroak berak bere nortasuna egiaztatzea. Horretarako, bezeroak hiru aukeretako bi datu desberdin berretsi beharko ditu.

– Ezagutza: bezeroak pasahitz bat edo PIN bat ezagutzen du.
– Edukitza: bezeroak telefono mugikor bat edo zordunketa-txartel bat duen zerbait.
– Inherentzia: bezeroari berez atxikitako zerbait, hala nola hatz-marka edo aurpegi-azterketa

Ruralvía mugikorra, zure gailutik Rural Kutxarekin operatzeko aplikazioa 

Deskargatu doan Ruralvía mugikorra aplikazioa, eta eskura izango dituzu Nafarroako Rural Kutxarekin gehien erabiltzen diren eragiketak, bai eta zure postarako sarbidea eta Nire Finantzak zerbitzua ere, zure aurrezkiak ahalegin gutxiagorekin optimizatzeko.

Ruralvía-ko zure kontuan sartzeko, zure segurtasuna indartu ahal izango duzu, erabiltzaile-azterketa bat eginez hatz-marka digitalaren edo Face ID bidez. Horretaz gain,  90 egunean behin kode bat eskatuko dizugu zure nortasuna egiaztatzeko. Autentifikazio indartua egiteko, automatikoki SMS bat jasoko duzu zure telefono mugikorrean.

Bezeroa bazara, Ruralvía móvil deskargatu dezakezu doan Android edo Applen-en, eta Rural Kutxarekin lanean hasi, segurtasun osoz. Bezeroa ez bazara, aldiz, gure erakundera batu zaitezke Ruralvía mugikorrean aurkituko duzun Bezero egin botoia sakatuz.

Smishing: SMS bidez lapurreta zibernetikoa detektatzen ikasi

Gaur, smishing saiakera bat antzemateko gakoak emango dizkizuegu, phishing ezagunaren bilakaera, alegia. Kasu horretan, mezu elektroniko bidezko komunikazio bat iritsi beharrean, delitugileak SMS bat erabiliko dute, zuk zure datu pribatuak eta pertsonalak eman diezazkiezun.

Rural Kutxatik berriz diogu: gure bezeroei ez dizkiegu inoiz SMS bidez datu pribatuak eta pertsonalak eskatzen. Beraz, noizbait SMS bat jasotzen baduzu, ustez gure erakundearena, non jarraibideak ematen dizkizuten Rutalvía sartzeko gakoak edo informazio pertsonala (adibidez, zure txartelaren PINa) sartzeko, iruzur bat da! Ez dituzu jarraitu behar gaizkileak mezuan ezartzen dizkizun jarraibideak.

Rural Kutxatik  gure bulego batera hurbiltzea gomendatzen dizugu mezua erakusteko eta lapurreta zibernetiko saiakera bat dela ziurtatzeko. Gainera, guk smishing-aren biktima izan daitezkeen beste bezero batzuei aurrea hartu ahal izango diegu.

Delitu-jakinarazpen bat jaso duzula susmatzen baduzu, poliziari ere ohartarazi diezaiokezu, jakinaren gainean egon daitezen eta neurriak har ditzaten.

NAZIOARTEKO POSITUAK